Fjölskylduvæn Buggyferð

Þrátt fyrir að vera bara rétt utan við Reykjavík þá er þessi 1-klst buggy ferð, með leiðsögn, alveg einstök leið til að njóta íslenskrar náttúru og skemmta sér fáránlega vel í leiðinni. Spennið á ykkur beltin og búið ykkur undir að keyra á grófum malarvegum og í torfærum í nágrenni Esjunnar. Við keyrum yfir hæðir og hóla, gegnum ár og margt fleira skemmtilegt.

Þessi ferð er mjög fjölskylduvæn og er fyrir alla þá sem eru hrifnir af spennu, torfærum, leðju, drullu og fallegri náttúru. Ryk, leðja, vatnsgusur og jafnvel snjór og krapi er allt innifalið í verðinu! Krakkarnir munu brosa út að eyrum í marga daga eftir þetta fjör og svo skemmir ekki fyrir að það eru miklar líkur á þeir sofni mjög snemma eftir alla spennuna!

Buggy bílarnir okkar eru tveggja sæta, þannig að það þarf einn fullorðinn með ökuskírteini að fylgja hverju barni. Þetta er góð leið fyrir barnafjölskyldur til að prófa torfærutæki vegna þess að bílarnir eru auðveldir í keyrslu, þeir eru sjálfskiptir og með 4 punkta öryggisbelti og veltigrind svo það er mjög öruggt að keyra þá. Það eina sem þú þarft til að keyra er ökuskírteini og ævintýraþrá.
Þetta er sama ferðin og Buggy Original ferðin okkar, en við kaup á fjölskyldupakkanum fáið þið besta tilboð sem völ er á. Þið borgið aðeins fyrir fullorðna og eitt barn fylgir frítt með á hvern fullorðinn. Innifalið í verðinu er allt sem þarf, gallar, hjálmar, hanskar og lambhúshettur.
Það þurfa minnst 4 að bóka svo að ferðin verði farin (tveir fullorðnir og tvö börn), en eftir það geta stakir foreldrar bókað fyrir sig og barnið sitt. Athugið að aldurstakmarkið er 6 ár og bílstjórinn þarf að vera með gilt ökuskírteini.